由韓劇《奇皇后》女星河智苑、姜敏赫主演嘅《醫療船》由上周三開播以來一直穩坐收視冠軍，噚晚播出第5及第6集，收視分別錄得10.3%及11.8%，排同檔第一名。而同檔《再次重逢的世界》播出第29及30集，就分別有5.1%及6.6%收視，至於金在中及UIE主演嘅《Manhole》則以2.2%，包尾墊底。

不過噚晚播出嘅《醫療船》，就受MBC電視台罷工影響發生播放事故，噚晚播出第5集後遲遲唔播第6集，而係轉播公益廣告。事後劇組方面指因受罷工影響，所以劇集後期工作部份交咗比外判公司進行，先出現今次播放事故，希望觀眾能夠理解，同時劇組亦會密切注意同類事件唔再發生。