噚晚台灣第29屆金曲獎落幕，廖人帥以A-Lin《未單身》MV入圍最佳音樂錄影帶獎，敗給羅景壬嘅《身後》，佢嬲到提早離場，坐的士嘅時候仲拍咗條舉中指嘅片，仲用英文粗口發洩，而網民見到佢呢個舉動，都留言話佢「輸不起」、「沒品」。廖人帥就回覆網民話：「我心情不好是關你們什麼事？努力完成的作品沒得獎，竟然要謝來謝去？我只是一個正常人的反應，正常的表現了出來而已！」

其實廖人帥上年都同金曲獎擦身而過，佢為張靚穎拍嘅《Dust My Shoulders Off》MV，攞咗有美國電視節目界奧斯卡之稱嘅Telly Awards，不過喺台灣金曲獎就空手而回，攞唔到獎之後，廖人帥都有喺社交平台發洩，到咗今年出席金曲獎，佢已經着住一件印有「這裡最不值錢的叫做創意」黃色衫。

廖人帥接受訪問嘅時候就話：「我就是不爽，不是攻擊入圍者，也沒有覺得今年得獎作品不好。不是像去年落差很大，然後沒得獎我超級不爽。今年大家落差不大，這結果也是我預料的，只是我覺得台灣的口味就是這樣，我想提供不一樣的口味而已。」

精選娛聞，喺晒《娛果》
http://fb.com/appledailyent