韓國樂壇天后李孝利自從同作曲家老公李尚順結婚後，長時間都留喺濟州島過住啲簡單嘅生活，仲不時整手製作品添。而前日李孝利就喺個人網站上公開咗同老公去到自由市集賣自家種黄豆嘅照片。

相中李孝利頭包黑布，著住簡樸嘅民族服裝，拎住幾個白膠袋，似足一個村姑，而另一張佢就同老公一人拎住一包豆hardsell喇。李孝利今次以1公斤1萬韓圜（約71港元）嚟賣自家黃豆，仲喺短短30分鐘次內就已經賣晒添，成功變身濟州黃豆村姑。

而李孝利事後亦表示：「親自將我哋親自種嘅黄豆拎去賣，心情好激動，對專登嚟買又買唔到嘅各位好抱歉，有機會我哋一定會再努力包裝，，再拎去賣。」