韓國女團GFriend噚日前往參加《Incheon K-pop Concert 2017》演唱會途中，因遇上交通意外而被送到醫院接受檢查，亦因而缺席演唱會。今日 GFriend方面發聲明，表示成員接受精密檢查後，身體並無大礙。

GFriend所屬事務所表示：「噚日嘅交通意外係因為經理人疏忽而造成嘅，首先向受害一方道歉。事故後，所有人去醫院接受精密檢查，Yerin嘅右手尾指有扭傷，經理人及其他五位成員遭受輕微撞擊，但並無大礙。目前，成員已回家休息，會如常於大後日推出新專輯及進行相關活動。我哋會更加小心注意，唔會再發生類似事故。」