Gamer呢期熱話，當然係薄版PS3喺香港作全球首賣！呢名香港+全球第1人──Andrew！據知用咗兩日時間排隊，佢嘅首賣回報除咗有首賣限定贈品外（DUALSHOCK3手掣、主機直立架、PS3遊戲/首賣Tee/遊戲/雨傘），最估唔到連路透社同EPN都搵佢做訪問，成為國際新聞人物，今次香港SCEH真係做到嘢！
新薄版PS3同舊版最大不同處，除機身細咗三分一，硬碟容量由80GB升上120GB，價錢仲要由$2,880下調到$2,399；不過最吸引都係對應DolbyTrueHD，而DTS-HDMasterAudio更對應7.1聲道，以前舊版係完全玩唔到o架！

網上一度流傳新薄版PS3睇BD有窒格問題，據筆者偷雞實地測試，發現「賣街版」並無以上問題，可能只是早期未完成測試機的Bugs；據知貨量暫時供應幾足，不過薄版PS3除打機外，加上咁強勁影音功能，絕對有力問鼎最平BD機王之位！到時連AV友都嚟搶埋一份，係咪真係夠貨o架？

記者：朱崇德