中原城市領先指數CCL按周竟下跌近0.5%，似有見頂之虞，資深地產分析員張一鳴認為，樓價指數下跌一個星期，不代表樓價已出現向下壓力，「好似股市咁，冇可能直升上去，去到某一個位會出現阻力位調整，係咪呢個禮拜開始跌市，我睇仲未係」，應是美國又再加息、美國縮表等一連串因素，影響買家入市氣氛而造成。

但無論如何，近期樓市氣氛已明顯過了高峯。張一鳴表示，經過上月一輪新盤去貨潮後，近期一手承接力減弱，「發展商要重推高成數按揭搶購買力，按揭大過樓價100%，去翻舊年個市未反彈咁」。由於美國及內地逐步收水，買家心態會調整，「佢哋對見頂會慢慢有感覺」，但美國縮表步伐似會慢，目前未會明顯跌市。

中大劉佐德全球經濟及金融研究所常務所長莊太量認為，暫時香港經濟及零售狀況，都較2015年底跌市時好，相信樓市在高位調整，未來樓價指數都會是上上落落，「唔會再一口氣升十幾個禮拜」。但樓市未似會向下，「除非外圍經濟好差，或者香港經濟連續幾個月差落去」，惟現時數據反映經濟仍持續向好。

掌握財經生活資訊，即Like「蘋果ATM」fb專頁啦！
http://fb.com/appledailyatm