陳冠希（Edison）最近替少女雜誌《COSMOgirl》做封面人物，他穿上不同圖案的恤衫，並把領帶隨意打結，又躺在地板上擺甫士，展示不羈的一面。

童話世界失真
眾所周知，Edison的父親陳澤民是個商人，自幼生長在一個富裕的家庭的Edison，卻甚少依靠父蔭，他在訪問中說：「我覺得一個人俾家庭過份保護唔係好事，情況就好似生長喺一個童話世界入面，當長大咗要出去面對真實嘅世界時，就會唔識點樣去處理壓力，同埋好易俾人呃，就算學業成績科科攞A，你都係一個蠢人。」

娛樂圈催人老
Edison的胞姊陳見飛亦加入了娛樂圈，但論處事手法，Edison明顯較其姊成熟，他說：「其實我同屋企人相處都有矛盾，佢哋有時做嘅嘢我都唔係幾認同，但都唔代表我成熟過佢哋，只不過成為藝人之後，經歷過好多事情，見到佢哋嘅一啲生活模式同決定。我雖然覺得好差，但係我唔會講出嚟，因為家姐係要尊重嘅。」
此外，Edison表示平時遇到不開心，就會開口罵人，他說：「我都知道呢個性格要改，但我又唔想改，我以前睇過一本書，佢教識我面對矛盾時一定唔可以崩潰，否則做乜都會輸。」
撰文：比華利