蔡楓華、陳秀雯、李龍基及蔣嘉瑩等今日喺尖沙嘴為4月在伊館舉行的《真．經典電視主題曲演唱會》開記招。

蔡楓華喺台上講笑話同今次演唱會監製楊紹鴻曾有「過節」，佢話：「當時佢帶挈我去廣州做啲演唱會呀...我拍電視劇《愛情安哥》做男主角時，佢又放我走呀...放我去拍戲呀，所以我真係同佢有啲過節嘅，今次演唱會少少錢，唉...冇所謂啦，我真係唔係為錢而嚟。」蔡楓華仲透露將會翻唱關正傑的經典金曲：「自己好懷緬嗰段時間，都有跑步操fit下，同埋o依家唱歌同細個好大分別，功力唔同左。」

至於鮮有演出歌唱騷嘅陳秀雯，今次都係為左楊紹鴻而來：「我哋合作無間，所以嚟趁下熱鬧。拍劇就要睇下劇本同角色，因為之前拍咗好多好嘅，o依家要揀下，我麻煩啲。」佢指亞視曾邀請她做節目，但因檔期問題未成事。

陳秀雯透露早前喺網上開店賣香薰：「我讀咗個香薰治療師課程，而家開左1年，生意都唔錯。」

最港電影大獎投票網址
http://bit.ly/thekongestfilmawards

精選娛聞，喺晒《娛果》
http://fb.com/appledailyent