武漢肺炎全球大爆發，導致我們的生活面對着各種的困境與難題。糅合不同創意與繩結工藝的本地繩結設計師Zoe Siu（蕭俞），在疫症期間工作受影響被取消，但同時也令她重新審視現在的環境，並帶來了新領悟、新靈感，她日前受訪時說：「回歸根本，等我哋了解物件係用乜嘢製成，雙手製造東西嘅過程，提醒我哋，人嘅思想同生活所擁有嘅才能。」

【數碼新趨勢】

疫情令各行各業都叫苦連天，其中大部份為freelancer的創作行業也無法倖免。Zoe 對於期間仍然接到工作表示感恩，但早前的創作「線帶森林」裝置礙於疫情關係，需要由室外搬到室內，規模比原先計劃的縮少兩倍，效果與預期有落差，最後更變成了網上展覽，種種情況下，也令她不禁要思考「將來是否需要改變生意策略、發展？」

數碼化本來已經是時代新趨勢，疫情彷彿加速其步伐，變成了「New Normal」。各地不少展覽、博物館也舉行網上導覽，大勢所趨之下，令本來抗拒事事數碼化的Zoe也不得不順應潮流，「未必只係需要憂慮眼前呢一刻，而係未來兩、三年嘅工作模式，要點樣改變？當接觸唔到實體創作時，又係咪只有網上出路？隔着螢幕，始終少咗刺激性，我哋要去想如何令人印象深刻，對創作者都係一個難度。」她又分享，其間進行了第一次的網上教學，「我仍然摸索當中，疫情的確會令工作突然受影響，所以都要同步去想線上線下嘅各種可能性。」

【色彩正能量】

Zoe早受到文化葫蘆邀請，以觀塘工業發展為主題，編織了「線帶森林」裝置，除了創作，也探索了物料的可能性，「我係修讀時裝設計、紡織出身，就想到織帶製作背囊其中一樣重要材料，由於本來係室外展覽，織帶既能夠承受落雨，太陽曬都唔易變色，加上呢種物料開始式微，我就諗『究竟呢種物料，仲有乜嘢轉化做其他嘢嘅可能性呢？』」

除了探索物料可能性，Zoe也希望透過創作為大家帶來正能量，因此一直以來她的創作都是充滿色彩，她分享：「曾經睇過一篇文章，有位希臘市長曾講過一句，我哋𠵱家嘅生活存在好多妥協，妥協對佢嚟講代表灰色，呢個都係我嘅想法，因此我哋嘅城市需要更多色彩，帶來希望同溫暖。」她有感我們現在的城市不單止是灰色，有時甚至像被黑雲籠罩着，是深黑色的，「作為一位創作者，希望透過作品給予大家希望同力量。」所以這個裝置也特別採用了「紅橙黃綠青藍紫」，猶如一道雨後彩虹。

【保持「玩」心態】

此外，她早前在尖沙嘴1881展出的裝置同樣色彩繽紛，作品靈感來自50年代的舊公園，「我係根據滑梯形態嚟設計一張椅子，藉此傳遞一個訊息，尤其對成年人，好似都已經忘記咗『玩』，點解『玩』對小朋友好重要？因為可以刺激想像力，人越大越怕發白日夢，怕想像看似無謂嘅事物。」Zoe因此透過作品鼓勵大家，保持「玩」的心態，才可以挑戰自己更多可能性。

而她自己最近也尋回了「玩」的樂趣學習踩板，「呢項運動其實唔預期呢種年紀去接觸，𠵱家嘅身體結構唔太適合。」她說踩板需要不停克服恐懼，過程中得到唔少自我鼓勵，「因為你會驚跌倒，又或者動作做得唔好，當每成功完成一個動作，都好似克服咗一種困難，其實都提醒同鼓勵我嘅工作、同家人相處，甚至面對唔同嘅人生問題，對我鼓勵性相當大。」

【療癒情緒】

疫情期間，相信不少人都被迫放慢腳步，Zoe就趁機發掘新的繩結創作，「我利用一啲天然物料，例如草、竹、藤，一啲可以回歸大自然嘅天然物料嚟編織繩結，創作過程中會聞到植物氣味，感到非常療癒。」此外，她也應機構邀請，創作關於疫情時用到的有關作品，她想到現在增加了很多外賣盒、外賣袋，「我利用竹編織咗盛載食物嘅容器，其實我哋每個人都可以自發性編織一啲籃，用嚟盛載食物同水果，令我回想一啲從前嘅生活模式去創作。」

大部份時間留家抗疫，也令Zoe想到創作家居香薰 x 繩結，她笑指我們最近變的很「北歐」，「北歐人好少外出，主要花時間喺屋企，所以佢哋嘅家居設計好靚，令我想到或者可以設計家居飾品，𠵱家人類最需要係乜嘢？情緒嘅釋放，香薰可以安慰情緒、靜心，自己都學緊調製香薰，繩結係用嚟幫助盛載香味。」

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！