鍾嘉欣舊年12月嫁俾脊醫Jeremy，今年8月生咗獅子座小公主Kelly。早排嘉欣先後兩次返港出席活動拍廣告，仲順道帶埋囡囡Kelly逐一去探好姊妹。不過次次唔係見到小公主個毛毛球頭髮、就係見到佢隻眼仔，始終見唔到佢個得意正面樣。(新聞連結： http://bit.ly/2iexvNu )

今日係聖誕節，嘉欣媽咪就送份「聖誕禮物」俾大家，囡囡Kelly又有正面新相啦，4個月大嘅Kelly，望落個樣都仲係有啲似爸爸，着住聖誕裝裙仔同聖誕帽嘅佢，白白淨肥嘟嘟，可愛到爆！其實Kelly BB一個月大嗰陣已經同大家見過面，當時個個話似十足爹哋。(新聞連結： http://bit.ly/2hdMF3So )依家4個月大嘅佢，似爹哋之餘，開始有啲啲女仔樣，唔知再大個啲，會唔會開始似媽咪呢？