【韓流】三胞胎阿爸宋一國好嘢!《蔣英實》首播高收11.6%
蘋果香港韓國收視即時宋一國蔣英實我有愛人了我的女兒,琴四月
由宋一國主演嘅KBS新劇《蔣英實》噚晚首播,呢齣劇係宋一國自2012年播畢嘅《發酵家族》後,事隔近四年嘅復出之劇。
宋一國為咗呢部劇花咗唔少心思,就連佢同三胞胎囝囝大受歡迎嘅綜藝節目《超人回來了》,佢都決定唔做,專注拍劇。而噚晚劇集首播,由於正面對撼高收視劇集《我的女兒,琴四月》,雖然不敵《琴四月》,但《蔣英實》首播收視有11.6%,一開波已經有雙位數,成績唔錯,已經有交代。
至於同檔時段嘅冠軍劇依然係《琴四月》,收視錄得28.5%。而池珍熙、金賢珠主演嘅《我有愛人了》,收視僅得6.6%,包尾墊底收場。