二○二○年快將過去，馬圈在「二○」 年特別多「靈異」事，千奇百怪乜都有，有啲令你好嬲，有啲就反智到得啖笑，就等《蘋果馬經》同大家細數馬圈「二○年、靈異事」。

12月初國際賽周，有份參賽同出席谷中國際騎師錦標賽及沙田國際賽的外來人士，好多都係來自疫情高危地區如英、愛、法國等。

佢哋來港後冇做足14日（現在是21日）法定隔離檢疫，行蹤更異常詭秘，本身上一個星期仍身在外地出賽，今個禮拜已現身香港上陣。

傳聞佢哋有個甚麼「賽馬防護泡（氣泡）」護身，即係政府與馬會達成協議，免除這班訪港騎師強制14日隔離。

佢哋抵港後被安排留在指定地點，每日接受醫學監測，不與本地任何人士接觸，政府就收貨，咁佢哋又算唔算有不合理的特權同違反法例呢？

好一個蘇銘倫，明明國際賽日（13日）登場做公司騎師，最後馬會又話佢未完成政府所要求的檢測，因而延後一周初出。

究竟神蘇有否如外界所講曾經確診？講笑咁講或者只有馬會CEO可以答到你！

今年馬會執意繼續舉行國際賽，不過疫情之下，試問真係搵鬼嚟跑咩？

果然公佈入選馬名單時，只得15匹外隊馬來港，是自從99年設四場國際賽之後，最少外來馬的一屆。

其後又有岳伯仁兩駒「文壇怪傑」及「安恬」放棄出戰，之後再有新加坡代表「地獄火」腳有事退出。

既冇氣氛、亦冇陣容，這樣的國際賽還算是馬迷心目中的國際賽嗎？

今年馬場兩度出現「集體鬼揞眼」事件，先是上季6月3日谷夜第六場賽事，當時還隸屬大摩馬房（已結業）的「南區寶」與方廐「駿爵士」幾乎一同衝線。

賽後從電視慢鏡重播所見，「駿爵士」似是先到終點。

馬會最終判定「南區寶」以馬鼻位之先勝出，惹來不少馬迷質疑，而馬會為平息民怨，此後在慢鏡重播畫面皆加插一句「只供參考，賽果結果以裁判員按終點圖片系統所攝終點相片判決為準」。

其後在上季沙田煞科戰（7月12日），「明月昇輝」（已退役）與當時隸屬大摩馬房之「一代莊主」一齊衝線，現場肉眼所見，「明月昇輝」似已勝出賽事，大螢幕亦打出勝出馬為「明月昇輝」。

然而影相後賽果是第一名「一代莊主」，馬會賽事秘書處經理郭前事後曾解畫，卻說服不了傳媒及馬迷。

今季起，馬會把決勝圖片放上網，以供馬迷省覽。

「鬼揞眼」唔單止出現在馬迷身上，就連馬會職員都有相同情況。

10月21日谷夜頭場賽事，二、三名分別是「鐵胆威龍」（賢廐）及「幸運大兄」（蘇廐），不過馬會網站竟然可以將兩駒名次互相掉轉。

馬會堂堂一個國際性機構，竟然犯下如此超低級錯誤，絕對不能原諒。

馬會最終在當晚接近11時才發出聲明致歉：「由於人為錯誤，本會（馬會）確認網站及網上投注區曾錯誤顯示 今天（10月21日）晚上第一場賽事的賽果。」

三甲馬出現平頭其實唔多，上季全季加埋都係得10次。

不過，在12月9日國際騎師錦標賽日，竟然一晚谷戰入面有三場出現平頭賽果。

當晚先有第二場「千里駿駒」（葉廐）及「種福者」（文廐）成為雙冠軍，到第六場就有「大醇威」（方廐）及「仍然贏」（賢廐）平頭第二，之後再有第八場「疾風勁草」（蔡廐）及「獎金大王」（葉廐）跑出雙季軍。

一晚其中三場各有一對賽駒跑獲同一名次，近30年來從未見過，咁都可以發生，你都咪話2020年港馬唔邪！

-----------------------------

時勢艱難，有問題即管開聲！

經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快還可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！

立即申請 : https://bit.ly/32cqDIW

推廣期由2020年12月1日至2021年1月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199