韓國人氣限定男團Wanna One上周五以韓國做起點舉行世界巡迴演唱會《ONE：THE WORLD》，原定於本月21號起舉行美國巡演，包括21號嘅聖何塞場、26號嘅達拉斯場、29號嘅芝加哥場、下月2號嘅亞特蘭大場，多場嘅門票亦已經公開發售。

點知今日有報道指，Wanna One嘅達拉斯場、芝加哥場以及亞特蘭大場將改變演出場地，有指可容納人數將減半或更少。幾場美國騷門票代理公司Powerhouse方面表示：「因發生意料外嘅情況，Wanna One嘅達拉斯場、芝加哥場、亞特蘭大場演出場地將會有改變，但演出日期、開騷時間、票價將不會改變。同時亦會透過電郵作個別通知，真係好對唔住。」而負責今次世巡嘅CJ方面亦指，因演出舞台嘅問題，所以無可奈何地要更改演出場地，會安排粉絲退錢或重新預約購買門票。

更多韓流，喺晒《娛果》
http://fb.com/appledailyent