中環在線：唐唐送96年靚酒賀老友 - 李華華
蘋果日報 2014/12/12 00:00
金管局前傳訊總監陳民傑（Thomas）開設嘅公關顧問公司「圓通」開業兩年，噚日慶祝喬遷之喜，兩位重量級嘉賓──前政務司司長唐英年與金管局前總裁任志剛，齊攜眷撐場兼主持剪綵儀式，認真畀面。唐唐鍾意飲紅酒，當然要送幾支靚酒做賀禮喇。
活得逍遙嘅唐唐噚日人到禮到，送上6支大樽裝（1.5公升）「1996 Chablis Premier Cru」法國靚白酒作賀禮。
活得逍遙嘅唐唐噚日人到禮到，送上6支大樽裝（1.5公升）「1996 Chablis Premier Cru」法國靚白酒作賀禮。
唐英年（中）帶埋唐太郭妤淺撐場，陳民傑（左）笑到見牙唔見眼。
呢幾支「1996 Chablis Premier Cru」產自法國勃艮第。
任志剛與太太葉小慧畀面現身公關公司喬遷Party。
任總嘆京都紅葉未盛放
唐英年對收藏葡萄酒素有心得，今次慷慨送贈嘅白酒，嚟自法國釀酒勝地勃艮第（Burgundy），舊年初佢先至同太太同埋子女，舉家暢遊呢個著名產酒區。據講，𠵱家好難搵到年份咁久遠嘅白酒，唐唐果然係資深嘅葡萄酒藏家。
聖誕臨近，亦係外遊旺季，呢期日圓抵換，唐唐同任總兩兄弟都先後遊東瀛，唐唐計劃聖誕去日本，任總就11月中旬，已經偕太太遊京都賞紅葉。不過任總同華華講，遊日期間紅葉唔算好盛放，啲楓樹仲係綠葉居多，淨得一兩棵夠火紅搶鏡。
任總近年反璞歸真，而且愛上做木工，之前喺新書《居安思危》講座上，佢就送咗條親手製作嘅木鏈畀唐唐，感激唐氏伉儷撐場。任總話，𠵱家閒來會去中山打波，兼DIY做木工，退休生活真係夠晒寫意。
講番圓通嘅喬遷Party，噚日到賀嘉賓達70、80人，好多傳媒老總同高層都畀面現身，認真墟冚，相信跟Thomas財經記者出身，與新聞界熟稔不無關係。
李華華
mailto:[email protected]
聖誕臨近，亦係外遊旺季，呢期日圓抵換，唐唐同任總兩兄弟都先後遊東瀛，唐唐計劃聖誕去日本，任總就11月中旬，已經偕太太遊京都賞紅葉。不過任總同華華講，遊日期間紅葉唔算好盛放，啲楓樹仲係綠葉居多，淨得一兩棵夠火紅搶鏡。
任總近年反璞歸真，而且愛上做木工，之前喺新書《居安思危》講座上，佢就送咗條親手製作嘅木鏈畀唐唐，感激唐氏伉儷撐場。任總話，𠵱家閒來會去中山打波，兼DIY做木工，退休生活真係夠晒寫意。
講番圓通嘅喬遷Party，噚日到賀嘉賓達70、80人，好多傳媒老總同高層都畀面現身，認真墟冚，相信跟Thomas財經記者出身，與新聞界熟稔不無關係。
李華華
mailto:[email protected]