韋達自從宣佈下季繼續策騎以來，陣上表現馬上重現昔日雄風，最近六次賽事贏四場，勝出率超過10%。其中，他在上次（13日）谷草夜賽憑「奇真」及「順意寶」起孖。

今次（27日）谷中夜賽韋達的座騎，普遍排位有利。當中，第四場「上浦福滿」排1檔好跑，降班有利，開齋可期。

第四埸四班1650米：今場多快馬，預期前段步速會快，形勢有利後上馬爭勝。

「上浦福滿」是來自法國的自購馬，呢類馬來港後普遍需要至少半年，才完全適應新環境，即使實力強如「中華盛世」，插班後頭三仗的表現亦一無是處，而「勁精神」在港第16戰才贏馬開齋。

「上浦福滿」在港跑過14場，累積兩亞一季，表現漸入佳境，於總場次286跑四班同程，只負半馬位得第二名，反映跑四班賽可佔班利。

此駒的體重只得1,042磅左右，細粒仔身形輸蝕，貼欄跑發揮會更佳，而在港三次上名，其實都是排1至3檔。

今場降班跑有利，兼且排1檔可省腳程，爭勝條件夠厚，開齋黃金機會。

「睡德福」季內跑咗17場，目前評分減至在港新低，轉廄後尚未贏馬，幕後急於交代，今仗除眼罩可對七歲老馬起刺激作用，改配葉廐冷殺手李寶利，部署可謂滿肚密圈。

「永益善」戴眼罩後表現穩定，6月8日試1200米泥閘，直路自動湧前，走勢吸引，今仗備戰積極，需要重視。

「駿協精英」上仗贏馬姿態出色，季內曾於四班上名，升班跑亦不吃虧，與沈拿特別合拍，仍需兼顧。