馮仁昭四圍超:
吳若希貼劇本出事 - 馮仁昭

蘋果日報 2015/06/25 05:20

馮仁昭四圍超吳若希馮仁昭四圍超林棣權醫護工作公立醫院囧事多實習天使

網友成日都話「若要人不知,唔好咁低B」。噚日凌晨吳若希喺fb貼出一張相,話睇緊TVB套新劇《實習天使》第十一集嘅劇本。劇本封面插圖係一名女護士七手八腳做緊唔同嘅醫護工作,意思係想表達護士職責繁重,非常有創意。不過幅圖居然同fb一個名為「公立醫院囧事多」專頁嘅版頭圖像百分之一百脗合,專頁嘅作者都發現呢個問題,噚日晨早就喺專頁貼咗吳若希呢幅圖,仲寫住:「偷圖呀!有賊呀!TVB!」之後仲放多張馮允謙攞住同一本劇本嘅相。
跟住,有位心水清嘅fans宇宙艦長澧就話:「信唔信連故事內容都抄你打po(post)嗰啲文呀啦,我開盤,我賭佢抄足八成。」而當事人之一嘅吳若希噚日透過WhatsApp回應話:「冇回應呀,唔好意思」。
另外,有周刊報道盛傳係吳若希最強後盾嘅十哥林棣權,早排搭路幫吳若希用VIP身份去何文田天鑄睇樓,入場門檻要3,000萬。
撰文:馮仁昭