陳柏宇今日喺中環HMV做一日店長，宣傳自己嘅唱片，送出聖誕禮「襪」俾歌迷。佢話唔係因為被睇好奪叱咤我最喜愛男歌手而來謝票，佢話:「唔使謝（票）、亦唔使拉（票），來呢個活動嘅歌迷相信都係投我嘅。」

佢話冇刻意準備到時得獎喺台上致詞，但自己估計若得獎，會因現場氣氛感染而感觸落淚。至於，可會請女友到場支持，柏宇話:「冇問佢，佢應該唔去，佢從未要求過去現場。我唔問、佢又冇嬲過，就唔問佢去唔去喇!」