袁詠儀和諸葛紫岐今晚喺尖沙嘴出席周旋演唱會，與周旋私下屬好友嘅靚靚，不單與張智霖聯名送上花籃，佢喺上海宣傳戲後，專登趕港出席，佢話：「最初我都有啲擔心飛機遲起飛，趕唔切返，好彩一切都好順利。」

周旋喺演唱會內會唱《萬山千山總是情》，靚靚說：「我都未聽過佢唱廣東歌，平時我哋都係用普通話溝通，都有啲期待！」諸葛就與旗下藝人呂晶晶和莊端兒一同出席，有傳佢有意找特首女兒梁齊昕加盟，諸葛表示：「唔係呀，呢個係一場誤會，我都冇佢電話，等佢自己諗喇，我哋都冇聯絡。」