韋達今季新開倉，成績到底算唔算合格？

截至呢一日共攞到39Win，成績躋身十大之內，絕對合格有餘。

韋達天生性格好勝，記得以往佢仍然係騎師時，有練馬師笑佢除咗跑馬耍家，即使試閘亦一樣要贏。

由此可睇到佢好勝心有幾咁強！否則又點能夠做到13屆冠軍騎師？

賽季雖來到季尾，之但係以韋達性格去推斷會照樣爭取頭馬唔手軟!

當所有人目光集中喺冠軍練馬師之爭，其他馬房備受忽視而扯高賠率，諗深層又何樂而不為？

韋達最着數係有周俊樂呢張王牌在手，有十磅減好使好用，但大前提當然要周俊樂騎得郁!

周三（7月1日）韋達以徒弟作主打，八隻上陣馬中有六匹用佢。

頭場五班1200米泥地「明月昇輝」今季轉去韋達度喺五班贏兩Win。

之後加到46分就開始減分，呢次啱啱好39分跑番五班，用周俊樂只孭121磅兼有2檔，用番贏馬時嘅擺前走跑法，三Win在望。

第九場三班1600米草地「得勝駒」情況同「明月昇輝」一樣，季初贏完馬升班，今次落番班即擺徒弟上去減磅搏殺格。

以「得勝駒」上季二班1600米只輸俾現評123分嘅「嘉應之星」計，呢組三班馬根本完全唔同級數。

另外有糊叫嘅仲有第四場四班1800米草地「緣份」同十場三班1000米「大雷暴」。

前駒近兩場1800米已開始跑近，轉場孭輕磅拖注無蝕底。

尾場「大雷暴」上場初出1000米直路執個不利二檔，拉士閃閃身輸個零身位跑第五。

今次執個五檔雖唔算理想，韋達安排初次綁脷擺到喺前面走，可能又有另一番風景。

--------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199