喺今年元旦宣佈再度懷孕嘅葉翠翠，嗰陣佢話自今次陀B係計劃之內嘅事，預產期大約會喺今年6月。O依家翠翠好專心咁養胎，有咗陀小王子嘅經驗之後，好多嘢都簡單好多，仲可以同其他準媽媽分享添！

今日翠翠更新佢嘅FB，原來佢去咗婦科檢查，仲有好消息要分享，佢話：「胎兒比正常週數大了一點，頭仔大了12天，肚腩大了10天，大腿長了15天，醫生說陀得好好！雖然我不能說究竟是哪一個環節起了作用，但只知道我的秘方的而且確係對胎兒有幫助！」

翠翠仲話：「今次胎兒比小王子還長大了一點，因陀小王子時是邊學邊做，但今次是一早預備好，所以兩個胎兒都有少少分別。好多人擔心胎兒過大的問題，話難生產。講真，過細係好容易，要大就唔係講一句咁簡單！重要媽媽唔肥淨係胎兒長肉更加難！」翠翠跟住又話：「現在香港一般嬰兒出生只有6磅至7磅內較為普遍，所謂的”過大”都只是8磅至8磅半，當然基因都有影響，不過想胎兒有幾健康就自己決定了。」

精選娛聞，喺晒《娛果》
http://fb.com/appledailyent