皇子必殺技:唔怕你爛博阿奴卡城「大」 - Leung
今天重心,簡簡單單,阿仙奴入球「大」同英冠勢起嘅普雷斯頓W作重心,賽事爛一點,但望贏番一點氣勢。
一個理智嘅賭波者跟紅頂白不會同錢鬥氣,亦唔會認為該地聯賽水準高就賭多啲,最重要係掌握幾多軍情同對該地聯賽嘅認識,再加值博率,睇得過癮又贏到錢嘅當bonus。小弟經常強調莊家明顯㩒低英超Big4嘅賠率,因為明知收視高個個賭,獨市生意,點會怕你唔嚟;終於「恨到」上周六韋根打爆「車」,佢哋已能盤滿缽滿;反而就算意甲剛過去一輪,大熱W頻熱倒,但中伏者未必會太多。
據內部消息所知,就算西甲冇得播,落注意甲嘅金額亦無顯著增多,不過我哋貓頭鷹一族卻有機會睇多咗。小弟收工前後睇到新特蘭大炒狼隊同A米對巴里一團糟嘅表現,其實唔怕你話膚淺,有時英超爛片都好刺激,但號稱意國強豪嘅A米迎巴里要亂石投林打高空波,可觀性極低。意甲目前和波率已升至30%,拳拳到肉嘅英超跌至6%,若你一味貪好分專玩和波兼從不睇波,意甲絕對係你嘅甜心,我就怕怕!
今日推介幾場爛波,阿仙奴上仗贏富咸有運,今次返主場踢歐聯對希臘兵勢變大老虎,入球「大」更值博;技術很爛嘅英冠,卡迪夫城守力跌watt,迎鋒力增強嘅打比郡,入球「大」亦好分;要我估勝負,普雷斯頓勢食完全走樣嘅雷丁。
(下次見報日:周三)
Leung
簡介:不理盤路,不信陰謀論,最重勤力睇波,跟足軍情,吼準一擊。
星期二19普雷斯頓勝(1.85)
星期二10阿仙奴大(1.57)x星期二14卡迪夫城大(1.92)2x1
簡評:簡簡單單要贏回信心