高伯新練馬功力如何？每個馬迷睇法可能會有落差，但是看看以往「大運財」（已逝）及一眾同主馬馬在其手上時屢贏大賽，若非有料又怎可能交到佳績？

但不知從甚麼時候開始，高伯新變成二線倉，而且搏殺多以賠率行先，即使所贏出的熱門均為臨場瘋狂落飛所致。

今次（28日）谷草高伯新出馬多，應該有部署而來。當中，頭場「葵涌老友」落入雷神手只會熱上加熱，不敢批死冇機會補中，只係全無值博率而已！

反而首次加程跑一哩的第二場「幸運大師」有得博，自從上季勝出一場新馬賽之後演出不進反退，以一匹現只四歲馬計並不合邏輯，只能賴本身屬北半球馬，比較慢熱，現落至四班56分，相比季初插班初出時的65分下調九分之多。

其實大前仗泥地1200米配吳嘉晉一仗已走光，賽後被競賽小組循例問話，反映目前已具有反彈空間。

今次棄同晚短途選擇加程，操練上更罕見地有與馬匹拍跳草地工序，以高伯新手法必有所圖。