【唔算非法集結啩】吳業坤JW出席國慶嘉年華 網民發起去追星
蘋果日報 2019/09/22 12:20
jw吳業坤王灝兒國慶七十周年
網上圖片
「逆權運動」仍未成功，網民發動今午1時起舉行「和你塞4.0」活動，第4次前往香港國際機場作「交通壓力測試」，有連登仔在網上開post：「唔入機場嘅手足可以去追星」，列出今日有「慶祝國慶七十周年嘉年華」活動，於下午1時30分至5時30分在青衣海濱長廊舉行，出席藝人有吳業坤和王灝兒（JW）。
網民紛紛起哄留言：「推到cctvb淆」、「國慶活動應該全面收皮」、「我突然好鍾意坤哥」、「唔知坤哥使唔使食tg呢？」、「睇明星唔算非法集結啦啩？」
坤哥和JW私交甚篤，上次坤哥開騷請了JW做嘉賓，兩人在台上抱抱打氣，坤哥將合照貼社交網並留言：「仲記得16年1月1號一齊坐喺心燒條樓梯，談過一陣未來，不過大體就忘了，轉眼幾年後大家都能夠開到紅館演唱會，而今次終於到你做番我嘉賓，希望五十年後你做家燕姐 我做修哥，一齊成為經典，終於拖到一次btw。」
自從「逆權運動」發生後，因無綫新聞報道偏頗，網民已發起「反紅媒」行動，坤哥是無綫旗下藝人，今日又出席慶祝國慶七十周年嘉年華，難怪被事件波及了，兩人可說有福同享、有難同當。