明晚（4日）第四場跑四班1650米。最近谷草四班一哩賽事，來來去去由同一批馬跑，蔡約翰的「多多」連場入三甲，變成實力指標。

以牠做把尺，上次（395場）同場跑第三的「步履娛飛」搏極唔贏，當然唔算叻，不過，經過強去弱留一波後，也變成惡馬之一。

上次「步履娛飛」跑贏「火百合」、「飛雲騅」、「管之星」及「燈胆精英」，這批馬季內都識贏，正是支持上述睇法的證明。

「步履娛飛」上場搏輸後，告東尼針對上次，擺唔到預期前列位置再求變，幫「步履娛飛」加眼罩，再交莫雷拉試泥閘，試清楚效果。

該課閘確實見到眼罩，起到刺激及定神作用。

當時唔單止復現前速，還有前有後，將同試兼剛周日（1日）在二班賽入Q的「駿龍駒」完全比下去。

睇完幾確信眼罩對「步履娛飛」有用，明晚落場只要交到試閘前速，守到前列好位，不像上仗般落後，足夠贏此場對手。

-------------------
唔使自己刨得咁辛苦 精選貼士懶人包
即睇【今晚Tip馬夜唔夜】
-------------------
【馬後炮】韋達三大熱門死剩一隻 「無敵勇士」僅敗蔡明紹騎得老襯
即睇陳華棟同Dylan點詳細分析
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩