女子組合Krusty以大半年時間籌備首張EP《HelloKrusty》，由於是第一次出碟，故心情特別緊張，二人還專誠到旺角信和中心一間唱片店布置，更親自送上人形紙板，親力親為。
阿嵐透露有首歌描述少女因專注工作而失去愛情，這正好反映其心聲，她謂已有兩年沒拍拖，但她寧願選擇工作。阿Jan則笑言沒拍拖，生活變得枯燥，她說：「我𠵱家真係好dry呀，但係工作又排得密麻麻，就算有對象都冇時間拍拖，如果係咁我寧願唔拍住，因為對男朋友唔公平。」

Krusty第一次出碟，心情難免緊張，阿Jan表示已連續一星期睡覺時腳抽筋，她說：「我以前讀書考試都冇咁緊張呀，但係知道就快出碟就晚晚抽筋，有時一晚抽四次咁多，直頭痛到醒咗。」相反阿嵐就較冷靜，因她覺得一切已成定局，加上一班fans已答應她買碟，故她感到安心。
而阿Jan謂只會送碟給媽咪，其他家人和朋友就要自掏腰包買碟。阿嵐還透露有天逛書店，男店員突然問她們：「你哋幾時出碟呀？我試過上網download，但質素好差，所以你哋隻碟我一定會買。」阿Jan說：「我本來想鬧佢上網download歌㗎啦，但聽到佢話會買我哋隻碟，又鬧唔出口喎。」
採訪、攝影：李珮洳　化妝：Khaki@maveonmakeup