噚日陳慧琳同林峯出席一個活動時，被問及點睇實名制，兩個都分別表示覺得實名制好麻煩，陳慧琳話：「有啲唔清楚，如果我買廿張請朋友睇咁點算？呢個方法聽落麻煩啲，如果到時冇人嚟坐咁點算？」又話以往自己演唱會係經歌迷會發售。」林峯話：「入場需要更多時間，似乎唔太方便，但我自己都諗唔到其他辦法。」但如果佢哋放低藝人身份，變番一個普通市民，今日落街排隊買五月天門票，睇下點？（新聞連結： https://bit.ly/2pKnzRi ）

無論係特高娛樂、五月天、CityLine，以及相信音樂嘅fb，都舖天蓋地留下呢句：「要求實名制！」

本來係今早十點開售，結果一再delay，由十點半變到十二點四十五分，一直到依家，就嚟三點喇。

「五月天阿信，請看看香港的五迷實況，我們只是想看一場你們的Show，等到現在一點消息都沒有……很累很累!!」
「天團沒落！五月天香港演唱會門票今日開賣，開售3小時竟無售出一張門票！」嬲到震嘅五迷，已經幫五月天諗定標題。
「唔該，請交代一下是甚麼回事，打通了等了五分鐘，之後cut我線。」

究竟係特高娛樂嘅錯，通利琴行嘅錯，定係CityLine嘅錯？排隊人士係咁乾等，五迷排咗幾個通宵，有啲特登請假，由今朝九點甚至早過九點等到依家兩點。究竟幾時先有人出嚟交代情況？通利琴行職員疑似放生打尖嘅南亞裔人士上樓，之後再喺現場霸氣表示「唔會有發言人，唔會有人回應！」

睇番各區實況：

由十二點九到下午兩點，東港城得四個人買到。
截至下午一時，西環仲未賣到第一個；坑口勁慢，得幾個買到。
截至下午一時半，喺荃灣排緊隊嘅五迷表示：「依家先開始賣第一個！」下午二時，荃灣又停咗。
至於沙田，到點半為止，都係得五個人買到。

網民問：「已經排了幾晚通宵的五迷，又要防黃牛插隊，又要俾南亞裔人打穿頭，等到開售的今日，大大太陽下乾曬無了期的等，又熱又渴又餓又心急，你們都是這樣對待歌迷嗎？還是五迷很聽五月天話，所以欺負五迷也不要緊？到時只要阿信站出來說兩句，大家就會氣消了？為何這樣欺負我們啊！！！！」