【雙管齊下】樂基兒公開產後收身秘訣 做模媽唔懶得
蘋果日報 2019/12/29 13:09
樂基兒古法紮肚
39歲樂基兒（Gaile）今年4月升呢做人母，為圈外老公朱智豪誕下兒子Hunter，轉眼兒子已8個月大，產後4個月就火速復工的Gaile，當時仍珠圓玉潤兼笑出雙下巴，現Gaile已成功收身回復名模身段，秘訣就是勤做她至愛的瑜伽及用古法紮肚。
有子萬事足的Gaile，十分享受初為人母的感受：「BB畀咗好多第一次我，BB第一次笑、第一次轉身、第一次病...我都唔想錯過，所以我要保持樂觀，每日學習去做更好嘅媽媽。」為了要好好陪伴兒子成長，雖然產前已收到不少收身代言邀請，但一向做事認真的她，在陀B時已經搜集了很多相關資料，了解到古法紮肚對孕婦產後盆骨復原及收身的好處，在答應做代言人之前，更先到專門店試做孕婦按摩，最後才決定擔任代言人。
結果，Gaile勤做瑜伽兼古法紮肚雙管齊下，頗見成績，她說：「睇住個肚一日比一日扁，我覺得即使生咗BB，都可以保持女人嘅自信，大家都可以做模媽，一齊由內到外都咁Charming，做個新世代模媽。」
樂基兒有仔萬事足（IG圖片）
樂基兒勤做瑜伽和古法紮肚回復名模身段
樂基兒認為只要有毅力，人人都可以做模媽。