當年今日
關於我們

陳細潔無膽赴青樓派對
40歲寇鴻萍蘭桂坊下海

蘋果日報 2002/01/14 00:00


蘭桂坊集團前晚在旗下的餐廳,舉行以扮妓女及淫媒為主題的派對。大膽的意識嚇怕不少名媛明星,本來答允出席的周嘉玲、陳細潔和李桂蘭等均告缺席,惟寇鴻萍以低胸裝赴會,她扮妓女之餘,更高呼要男友梁廷鏘代她「拉客」。
蘭桂坊集團前晚在旗下的加州餐廳、CClub和CBar,舉辦了一個名為「姣婆遇着胭脂客」的派對,邀請卡上註明以「淫媒與妓女、媽媽生與鴨」作主題,更聲言「女要姣、男要蕩」!
本來十時開始的火辣派對,直到十一時多才見吳家麗路過,她甫聽見要扮妓女便說:「我唔去呀!夜啲啦,夜啲我變姣婆先嚟!」而現年四十歲的寇鴻萍穿上低胸裝,與男友梁廷鏘(Patrick)拍拖到場,她說:「我今日扮prostitute(妓女),Patrick扮姑爺仔。」她其後更搔首弄姿,邊撥秀髮邊笑說:「我咁樣搵唔搵到客呀?」

吳家麗拒赴會
問寇鴻萍Patrick是否客人,她回答說:「佢唔係客,佢係搵客畀我㗎!」派對最終只有雲大棉兒子雲維恩及古董收藏家汪裕祖等出席,而原定會出席的女嘉賓如周嘉玲、陳細潔、李桂蘭等全部缺席。

周嘉玲亦失場
記者昨日在太古廣場遇上陳細潔與德國英俊男伴飲茶,她解釋失場原因說:「我噚晚去咗另一個party,後來先知道咁嘅主題,好彩無去到咋!扮妓女喎,撞鬼咩,大吉利是,咁嘅主題點敢去呀?」而周嘉玲上周剛從英國返港,但因太倦而缺席,她昨日透過電話向記者說:「我都冇話要扮妓女,我寧願着套西裝扮拉客都唔扮舞女。」
此外,陳方安生姪兒方欣漢亦臨時缺席,他昨在電話中向記者透露:「我最鍾意呢個主題,我重準備咗一條金光閃閃嘅長裙扮汶萊富豪,咁你去玩都要玩得投入㗎,不過我去朋友party飲醉咗,所以嚟唔到。」