年薪過百萬，仲要係升緊值嘅人仔，講人工，你可能得個「恨」字，但呢個世界又唔係咁灰嘅，有一樣嘢大家有機會贏到佢兩個，就係僱主幫你供嘅退休金！楊生舊年有5000蚊人仔，寶貝女就得2000蚊。以僱主供款5%嚟計，只要你每個月人工高過8333蚊或3333蚊，你老闆幫你供嘅強積金已經贏咗佢哋啦！
喺幫亞洲女首富計緊人工時，華華突然發現，咦，亞洲女首富幾時改名？喺中文版本年報員工福利開支嗰頁，「楊惠妍」變咗「楊慧妍」，但喺董事及高級管理層簡介嗰頁，又見番「楊惠妍」，相信都係一時唔小心。
根據《辭淵》辭典「惠」字解恩德、聰明，至於「慧」亦都係解作聰明，作為亞洲女首富智慧財富兼備，睇怕都唔會將啲咁小嘅事放喺心啩！