最近賽期頻密，好多馬開始似我，睇得唔打得，睇馬外觀睇唔出狀態回落，面對這個難題，究竟點去解決呢？有部分馬房的馬，較經得起密跑。今次夜賽，大部分馬都跑得密，其中方仔除久休復出的「喜發龍」外，其餘休息期全不超過三星期，所以復課集中在內圈行吓便算，睇見「競駿才子」、「龍華太旨」及「勝利大將」都無異樣，不過最近都曾經用力，可否保持都係靠估！而「會心微笑」只相隔兩周再上陣，但前仗跑谷草1200米，排外檔全程跟跑，到上仗轉跑一哩再抽外檔，早段留後，尾二入直路，潘頓知道大勢，放緩策騎，全條直路只打過兩鞭，確信此役用力不多，復課睇馬無轉瘦，今次轉抽好檔，表現會唔同。
詳盡內容可留意明日蘋果日報或蘋果馬網 http://hk.racing.nextmedia.com/