【咁口響！】林德信自誇泊車技術了得：冇乜嘢位泊唔到
蘋果日報 2019/09/27 17:44
林德信
（攝影：王連連）
林德信今日在灣仔出席新車發佈會，他小時候在美國生活時，家中有同品牌舊型號的旅行車，所以滿有回憶：「細個玩完打電話番屋企，阿媽就會揸呢架車接我！」現時有2架車、1電單車，他自言較愛踏實款式，但更愛古董車，與父親林子祥各自擁有同款但不同年代出廠的車。駕車也是安全派，更笑言自己泊車技術了得：「我一隻手可以扭軚泊好車，可以搞個公開賽挑戰同人泊車，冇乜嘢位泊唔到。」
雖然林德信有俊朗外表，但他甚少與揸車與女士遊車河，甚至「綿羊仔」亦只有母親曾有機會坐：「好多男、女仔朋友最想坐我架綿羊仔，只係媽咪坐過，由灣仔去中環，佢全程覺得好刺激攬到我好實，實到開唔到車。」
採訪、攝影：王連連
林德信謂不時常跟女孩子兜風。
林德信的「綿羊仔」只有母親曾有機會坐。