當年今日
關於我們

【本身唔係租呢個單位】業主用傳媒申訴 陳展鵬:諗都係交由民事去處理

蘋果日報 2018/06/12 20:16

業主陳展鵬收樓

視帝陳展鵬今日現身無綫活動,拎齊「證據」畀記者睇,當中包括屋內情況,及業主與陳展鵬嘅whatsapp對話截圖。
被問到係咪簽咗兩年死約,但一年就完?陳展鵬冇正面回應﹕「當然發生呢件事,一定係有問題喺裏面,如果唔係人哋點會無端端咁樣做呢?但自己都意外同無奈,其實兩、三個月前都settle咗,唔知點解無端端又發生呢件事。」陳展鵬嘆工作太忙,所以一直由助手代為處理,佢話﹕「因為我媽咪身體唔好處理唔到,交畀我,但你諗吓我現在訪問,流晒汗着住古裝,我真係好忙。」
陳展鵬話「可以變」,意指傾唔掂數,但應該循法律途徑去處理,但現在利用傳媒申訴,佢就話﹕「一個月,我絕對可以畀,但係咪我哋藝人知名度高,就可以用呢啲方法去做到佢想去做到嘅嘢呢?我諗都係交由民事去處理。」
想畀一個月業主平息事件?佢話﹕「係,我幕前人,我點唔識都好,都知要履行業主同租客嘅嘢,一個過程中,大家whatsapp都keep住寫,因為呢啲事唔係傾偈,我以為件事搞掂,原來未,可能裏面太多牽連嘢。例如話係租兩年,大家係咪兩年?但一年內有問題,就可以一個月前通知業主,但要畀一個月主就可以冇事,並唔係冇交成年租咁,唔係呢件事。」
陳展鵬話本身唔係想租呢個單位,因為住維景灣畔都有7、8年,曾經租過兩個單位,與業主關係好好,佢話﹕「其中一個話想賣,要我早兩個月離開,咁我都冇問題,好好彩又租另一業主,業主交匙時,仲約埋小朋友一齊嚟影相,所以喺嗰邊住7、8年都好好,大家都知我住邊。但點解一個單位,剛住夠一年就搬,喂,搬一搬屋真係唔見一舊錢,如真唔鍾意住都租第二啲,裡面一定有好多問題。呢個係朋友關係,都冇跟足好多手續,張約係我話要簽,大家有根有據。」
精選娛聞,喺晒《娛果》
http://fb.com/appledailyent