吳建豪和廖碧兒昨日在觀塘APM擔任「NikeWonmen愛比舞2008」評判，坐在台下欣賞一班女生勁歌熱舞時，吳建豪、廖碧兒亦不禁隨着音樂擺動身軀，吳建豪說：「她們真的很棒，看到她們跳舞時，自己都想衝到台上一齊跳，每個人都看到熱血沸騰，看見她們表演很開心，記得我在美國十多歲時，曾經跟朋友參加過一個舞蹈比賽，跳hiphop加street，更得到第三名，但當時因為沒錢，每一次都要偷偷去大學的排舞室排練。」

嗌到聲沙

廖碧兒昨日喉沙沙，她說：「因為之前拍電視劇《盛世人傑》，好多場戲都要係咁嗌同埋喊，搞到我把聲沙晒，平時鬧交講英文會叻少少，廣東話就唔係好得，真係好難。」廖碧兒自言不是一個嗌交高手，所以她很少與人吵架，若要找個吵架對象，相信爸爸是最好人選，她說:「我發脾氣會鬧啲狗仔，不過佢哋又冇乜反應，所以有時會向爸爸發脾氣，但係爸爸會耐心分析畀我知！」問她可有向男友發脾氣？她說：「唔好講呢啲，始終姓廖嘅人先最了解我。」再問她可有向緋聞男友陳豪傾訴，她就表示對方是個很好的聆聽者，不過合作拍兩個劇之後已沒有再聯絡。
採訪：楊潔雯　攝影：黃文成