韓國神劇《太陽的後裔》男、女主角宋仲基跟宋慧喬，因拍劇而撻着，二人將於下月31日結婚。日前二人被目擊飛去美國洛杉磯，有網民就目擊二人於餐廳內甜蜜約會，不過網民表示尊重二人嘅私生活，因而未有拍照。

雙宋所屬事務所早前表示二人去美國係私人行程，未有透露更多，不過今日有相關人士透露，雙宋今次真係去美國拍攝婚照，二人先去洛杉磯進行私人行程，之後再去三藩市，於三藩市某超級豪華酒店內拍攝婚照。

今日再有網民表示見到宋仲基現身三藩市，當時宋仲基忙於買咖啡，之後公開疑似係拍攝團隊嘅車。

據知是次雙宋婚照由知名攝影師洪章賢拍攝，洪章賢曾為裴勇俊&朴秀珍及李孝利&李尚順等明星夫婦拍攝婚照。