現年35歲的薛凱琪（Fiona），被《蘋果》讀者爆料稱她與拍拖4年的富二代男友鄧浩基（Byron）已經結婚，又指女方經常出入男友陽明山莊寓所，但對接送的司機及保安員態度極差，經常呼呼喝喝，事件是陽明山莊公開的秘密。阿Fi接受本報訪問時予以否認。

7年前俾大陸傳媒爆佢準備同房祖名結婚，仲話佢有咗BB，故事下文係話阿Fi有咗之後仲掛住跳舞，結果「跌咗個BB出嚟」，婚事亦告吹。「我覺得成件事都好搞笑，但Byron EQ好高，因為佢仲同我講話我條命係用嚟娛樂大家!如果有一日再娛樂唔到大家就冇意思0架喇。佢仲識諗過我。不過唯一唔開心係成日都影到佢好肥，雖然佢真係肥。希望大家下次影到幫佢P下圖、塞番個肚腩入去。」又笑言母親好奇怪，視之為掌上明珠：「個女越冇拖拍佢好似越開心。」又為難其男友：「想幫我搵個真係對我好嘅。」

咁Auntie有冇為難Byron？阿Fi笑言冇，因為Byron都好熟悉雙親脾氣。阿Fi又強調就算傳媒影到佢同邊個拍拖、十指緊扣都好，佢都一定唔會認。事先張揚講大話，阿Fi嘅理由係：「因為我想保護我嘅未來老公。」