筆者近日由大好友,變成經常叫讀者慢慢減持,皆因個股比大市先行回跌,是大市逐步見頂的先兆,市場上不少個股已在8月4日前後見頂,至今仍未突破,士佳相信大市已逐步築頂。筆者且以上個牛市的首輪升浪(2003─2004)跟今次做對比說明。圖表所見,2004年宏調前與現時指數走勢有不少相似之處,首先是反覆橫行之後,然後指數有一輪急升,再於高位徘徊一陣才大跌,但大部份個股早已在大市見頂前約個半月便展開跌浪。太陽底下無新事,筆者相信今次的故事發展跟上次差別不大,如果投資者不趁個股上升時逐步減持,到大戶集中火力托指數時,市場氣氛肯定更好,到時投資者便對後市有無限憧憬,更加唔肯沽貨。
筆者覺得,大市升至現水平,已非大舉進攻之時,而是買兩隻,走三隻的階段,每升幾百點便適量減持,且慢慢加快出貨進度。其實,趁指數上升出貨,以至享受不到最後升幅不要緊,因為大市總有一跌,到時自然有低位買貨,最怕是在低位成手貨而冇子彈。
如果現時讀者認為減倉太快,見大市升又覺得手癢癢,想回補一些股票好倉,應選擇防守性較高的個股,例如內地B股。一直以來A股升幅不俗,但相對而言,同股同權的B股走勢卻大落後,例如內地家電股小天鵝B便比小天鵝A股落後兩三成。近日市場憧憬人民幣升值,B股有追落後之勢。
張士佳
華富嘉洛證券投資服務部董事