51歲嘅「烏鴉」張耀揚喺上年7月喺北京因涉嫌吸毒同嫖娼被捕，其後喺公安嘅尿液毒品測試中，因呈陽性反應及藏有1.15克毒品被拘留，於朝陽分區看守所服刑被拘留20日，早前耀揚已經低調返港，仲被影過約朋友喺圓方hightea，依家耀揚點呢?多得好友支持，佢現時嘅生活就健康得多喇!

噚晚11點幾，現年50歲嘅吳啟華喺微博po咗幾張同圈中好友51歲嘅黃德斌、48歲嘅何啟南踩單車嘅相，當中有一張疑似喺耀揚揸機同一班朋友自拍，吳啟華仲留言：「今天和好友香港島環島單車遊，路線由九龍塘去旺角，尖沙嘴，坐船去灣仔，再去西環、香港仔、經深水灣、入赤柱，再出灣仔坐船回尖沙咀，然後回九龍塘的家！好玩是好玩，但說實話，太....累了!」

呢個「半百」車隊差唔多踩咗成個香港島，相信有一班好友鼓勵同陪伴，耀揚已經走出過往嘅陰霾，重新過健康人生。