李八方online︱袁國勇的社交距離
袁國勇社交距離疫苗專家顧問委員會
袁國勇(前排右一)繑埋雙手、行開啲,似要與政權「保持距離」。
黑警為咗狙擊市民,成日都將三唔識七嘅人夾硬拉埋一堆,亂咁指控小市民違反限聚令,即時票控,人人罰5,000蚊,咁唔知呢張由特首林鄭月娥親自上載嘅相,如果唔計豁免情況,係咪違反限聚令嘅要求呢?由林鄭委任嘅疫苗專家顧問委員會,今日召開首次會議,仲齊人影相,委員會共13個人,如果有人喺當中確診武肺,真係「大檸樂」,皆因唔少都係抗疫專家。港大微生物學系講座教授袁國勇就似乎提高警覺,影集體照都「企開啲」,保持呢段「社交距離」。喺強權面前,唔係人人都夠guts咁做。
從官方相片可見,人人都乖乖擺同一款「甫士」,淨係得袁國勇繑起手,同身邊嘅港大醫學院院長梁卓偉保持一段距離,感覺佢好似要保持自己嘅獨立性。
林鄭話,希望市民以科學態度看待疫苗,積極考慮接種。八方建議林鄭都係少啲講嘢,因為佢嘅公信力所餘無幾,佢講乜都會令市民起疑心,質疑佢背後嘅政治動機。
-----------------------------
-----------------------------