祖國製造業轉活,而上個月出口又大增,旭光高新材料(067)肥仔水。旭光係中投三寶,主打PPS樹脂及芒硝生產,係全球龍頭企業。而主打瓣數又係輕重工業必須原材料。要咁睇,近呢幾個月,祖國PMI指數一路向好,而啱啱公佈無耐,上月祖國出口,就大幅增加14%,好過原先預期5%。數據話俾市場知,祖國製造業轉活,而外國經濟問題紓緩,對祖國產品回復需求動力,旭光已經有運行。再講,旭光主打瓣數PPS,又係食住環保國策,而估計到2015年,包括PPS嘅新材料產業規模,高達2萬億銀人仔,旭光身為領先企業,肥仔水。係咁意估計,旭光本年度純利20億銀人仔,預期PE得4倍幾。當翻半番計到2.78元,PE都係6倍咁大把。