雖然謝霆鋒同王菲喺巴黎重聚呢一幕，未有喺大家眼前發生，不過霆鋒拍緊嗰個飲食節目《12道鋒味》繼續喺法國roll緊機。上集講到霆鋒同范冰冰喺街頭拍攝，兩個著得好高貴之餘，個氣氛仲鬼死咁浪漫…鏡頭一轉，終於去到講咗幾日嗰個酒莊──即係王菲個好姊妹趙薇個酒莊拍嘢啦！當日仲整到成枱都係食物，又有大大紮鮮花，真係好鬼寫意...如果有埋阿菲一齊食就真係Perfect池啦！

霆鋒今次打扮得causal咗喎！啡色皮褸加埋牛仔褲，係型嘅！而酒莊莊主趙薇就戴住個太陽眼鏡，加埋大大粒閃爆耳環，真係好有貴氣，相中佢仲親自幫霆鋒揀紅酒…咪住先，乜唔係霆鋒示範煮嘢食嘅咩？點解次次流出嘅相都係霆鋒去食多過煮嘅？