現年45歲的大生銀行前媳婦、一代ball后薛芷倫一向活躍社交界，昨日傳出她近月病重，出入養和，更被拍到虛弱離院，有消息指曾有貌似薛芷倫的女子現身腫瘤科，薛芷倫更搬回前夫馬清偉的山頂大宅，足不出戶休養，據知薛芷倫早前曾入院，但已康復出院。

記者昨日致電薛芷倫，她的手機接通後，無力輕聲地「喂」了一聲後便收線，其後電話轉駁到call台。前夫馬清偉承認薛芷倫患病，但對她的病情三緘其口，表示「無可奉告」，但同時暗示薛芷倫並非同住在山頂大宅。
馬清偉接受電話訪問時說：「有時都會去探佢，得閒咪去探吓，佢冇乜特別。」問到有傳薛芷倫病重？他說：「係咩？唔知喎，人總會有病，個個都會病㗎啦，唔使擔心，冇乜事。」至於是否婦科病，有否動手術等，馬清偉一律回覆「唔知」，明顯保護前妻，他說：「係人都會病㗎啦，你都會病啦，有病咪醫囉，冇乜要擔心。」

問馬清偉是否拍心口承擔醫療費用？他說：「無可奉告，係咁喇，你哋自己打畀佢。」一向愛蒲愛玩的薛芷倫，今年轉趨低調，只在5月出席過公關友人的生日派對，當時她雙唇肥厚，被疑整容加工。
採訪：DebbieLum