日本樂壇天后安室奈美惠昨日趁40歲生日宣佈引退，佢剛喺家鄉沖繩開完25周年紀念演唱會，卻突然透露已定明年9月16日從此退出歌壇，唔少歌迷得知消息後十分傷心，佢11月先會推出精選碟，未來一年會籌備告別騷，屆時會巡迴亞洲跟各地歌迷正式道別，香港亦好大可能會係其中一站。

日本傳媒今日報道，安室將會於今年除夕夜出席《紅白歌唱大賽》，並擔任壓軸歌手，係佢相隔14年再度亮相該盛會。安室宣佈引退嘅消息震驚整個亞洲，連日本官房長官菅義偉今日都喺首相官邸談到安室，坦言對其告別歌壇嘅決定感到可惜，亦覺得好唔捨得。至於曾屬組合SUPER MONKEY'S嘅安室，今日都獲舊隊友即女子組合MAX成員NANA、LINA、MINA、REINA都各自在社交網大談對安室引退嘅複雜心情。