大難不死嘅李永達呢鋪臨崖勒馬，押後遊行改為去籌款。達仔同八方講，佢阿媽已經為佢兩夫婦劏雞還神，阿達今鋪唔死得，都係多得個泰國導遊，為咗表示謝意，佢話將來有機會一定會返泰國多謝佢。
達仔話，諗返轉頭，就愈嚟愈覺得自己好彩，當日佢哋出緊海嘅時候，原來啲大浪重未湧到啲小島度，到佢哋返到出發嘅查隆港時，先發現有個大浪啱啱蹂躪完查隆港，如果當日瞓晏咗，就會遇到大海嘯。
連避兩劫嘅達仔咁好命，怪唔知佢都話，佢同民主運動一樣，都係冇咁易死得嘅！
（圖）李永達同老婆陳樹英日前由布吉返港，兩人面露笑容。


傳真︰2623-9278
電郵︰[email protected]