曾經喺五大洲完成過25項馬拉松賽事、94年成立恒生企業傳訊部嘅銀行界「鐵人」──恒生助理總經理張樹槐（Walter）又再報捷，但今次唔係跑步創佳績，乃係喺香港公共關係專業人員協會（PRPA）舉辦嘅第一屆PR大獎中，個人獲得「卓越公關專員人員大獎」。
Walter乃中大新聞系大師兄，閱歷豐富，華華覺得，佢由中大「三級榮譽」畢業生，到今日成為「一級公關」嘅故事，可以勉勵啲80、90後，讀書成績唔係衡量人生價值唯一標準。
人稱水哥嘅Walter，大學畢業後加盟《南華早報》，佢話有幸跟隨獨家新聞大師褚簡寧（MichaelChugani），學會膽識同新聞觸覺，為日後踏上公關之路奠基。