莫雷拉騎功出眾，座騎可以話粒粒皆星，但係雖有「雷神」稱號，亦始終有時人夾馬緣，有啲馬雷神亦未必發揮得好，反而換人有驚喜。現役馬中，「首席」及「海紅寶」同樣七次配莫雷拉未嘗一勝，尤其「海紅寶」前季用莫雷拉連輸四仗後改用韋達即打開勝門，上季頭兩仗用莫雷拉執韁均見搶口人馬角力，浪費不少氣力，結果在末段力弱，第三仗改用黃皓楠卻一放到底，未知是否巧合定係真係人馬唔夾，新季見到呢隻馬雷神輸完換人不妨望多兩眼。