住新界，跨區出入最好有車代步，如果同區都最好都要有部單車，可以慳返唔少時間。

不過有部單車，都要擔心有突然情況。On仔@C AllStar昨晚就絕望呼喊，半小時買完餸單車竟然不翼而飛，他在IG貼相，只剩下被剪斷的單車鎖鏈，最慘的是單車昨日才維修完，他嬲爆呻到：「諗住踩單車去買餸，就被剪鎖偷車，噚日啱啱用咗成千蚊整好，我知搵返機會渺茫，但如果有朋友係做單車買賣，等偷嘢嗰個廢物賣唔出。」On仔已經報案，亦見到附近有閉路電視，相信會捉到偷車賊。On仔亦出動精神勝利法，呼籲一人一句詛咒，：「就算捉你唔到，我都會咒你全家。」Cheronna有留言幫口：「幫你咒緊個人渣。」Aka亦都派了3個嬲。

On仔今日回覆《蘋果》：「好多朋友好好，幫我post上單車group，希望可以搵得番。」他亦在警方陪同下睇CCTV，發現有一名男人取走吻單車。警方建議On仔報失，如果有人見到他的單車，警察再幫手追討。
-----------------------------
App內1-Click訂閱《蘋果動新聞》
按此了解更多