黃貫中同囡囡黃鶯、陳小春同囝囝Jasper之前分別參加咗大陸親子真人騷《想想辦法吧！爸爸》與及《爸爸去哪兒6》，因為大陸嘅廣電總局發佈咗一份「未成年人節目管理規定」，即係節目唔可以宣揚童星效應、炒作明星子女，禁止10歲以下兒童代言廣告等，要公開徵求意見，結果成個節目突然叫停。（新聞連結： https://bit.ly/2PYWHHZ　）

聽講呢次徵求意見去到9月23日，喺未知道幾時可以播映嘅時候，廣電總局又有新搞作，噚日佢哋發佈咗關於《境外視聽節目引進、傳播管理規定（徵求意見稿）》（下稱《引進規定》），內容係話未經國務院廣播電視主管部門批准，廣播電視播出機構唔可以喺19∶00—22∶00播出境外視聽節目，而每條頻道每日播出嘅境外電影、電視劇、動畫片、紀錄片，甚至境外電視節目，唔可以超過當日嗰個類別節目總播出時間嘅30%。

另一重點，係《引進規定》提出，「任何單位和個人不得引進境外時事性新聞節目」，觀眾可以睇CCTV。

《引進規定》亦列明，不能播放損害未成年人身心健康之節目，亦不能引進、傳播從事損害中國國家尊嚴、榮譽同利益之節目。

一表睇晒：
1.違反中國憲法確定的基本原則，煽動抗拒或者破壞憲法、法律、行政法規實施的；
2.危害中國國家統一、主權和領土完整，洩露國家秘密，危害國家安全，損害國家尊嚴、榮譽和利益，宣揚恐怖主義、極端主義的；
3.詆毀中華民族優秀文化傳統，煽動民族仇恨、民族歧視，侵害民族風俗習慣，歪曲民族歷史或者民族歷史人物，傷害民族感情，破壞民族團結的；
4.煽動破壞中國國家宗教政策，宣揚邪教、迷信的；
5.危害中國社會公德，擾亂社會秩序，破壞社會穩定，宣揚淫穢、賭博、吸毒，渲染暴力、恐怖，教唆犯罪或者傳授犯罪方法的；
6.侵害未成年人合法權益或者損害未成年人身心健康的；
7.侮辱、誹謗他人或者散佈他人隱私，侵害他人合法權益的；
8.其他違反中國法律、行政法規的內容。

節目唔播得，就連被指「從事損害中國國家尊嚴、榮譽和利益，危害社會穩定，傷害民族感情等活動的境外組織」的人製作或參加之節目，俱不得引進。即係，如果成個節目都係非常「政治正確」、符合晒大陸要求，但如果節目名單上，有一個人係被指「從事損害中國國家尊嚴、榮譽和利益，危害社會穩定」等等罪名，此個節目亦不能引進。

嫌未夠辣？仲有的，《引進規定》列明，播出之境外電影、電視劇、動畫片、紀錄片等等，需要重新包裝、編輯，唔可以直接播出。節目中，不得出現境外頻道台標，或者相關文字的畫面、聲音，廣告亦唔得。

諮詢期會去到下個月嘅19號。

相關報道：
【陳小春王祖藍留意番】廣電總局新招：港澳台人員不能擔任節目主持
https://bit.ly/2O6RVed

精選娛聞，喺晒《娛果》
http://fb.com/appledailyent