香港人信佢多過信政府嘅香港大學微生物學系講座教授袁國勇,上星期三同龍振邦醫生喺《明報》撰文,批評中國人食野味嘅劣根性,先係今次武漢肺炎病毒之源;點知呢篇講事實嘅文章,被內地五毛批鬥為勾結美國勢力,加上文章用咗「中華民國」四個字,令袁教授被瘋狂聲討,當晚要道歉同撤回文章。
事後好多香港人都支持袁教授秉持科學,追尋真相,敢講真話;不過八方聽聞袁教授事後想靜吓,所以過去一個星期香港踏入疫情爆發以來最嚴峻嘅時候,袁教授都無露面。
八方聽聞袁教授無停過研究點樣幫香港抗疫,經常同同事商量,上星期六有出席專家組同特首嘅會議。
有市民係網上留言擔心袁教授,港大感染及傳染病中心總監何栢良今日喺自己Facebook話,「我日日都見到隔離房,如常工作中,唔需要諗太多,大家齊齊抗疫。」
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架