徐小明將於八月舉行《俠客行‧豪情演唱會》，今日佢與樂隊喺九龍灣進行綵排。

正值父親節，兒子徐沅澔(Marco)也現身為爸爸拍攝場面，小明哥話：「今次同大型中樂隊伍合作，會將歌曲重新編曲演繹，我已經五年冇開騷，因為上次搞完之後覺得好辛苦，今次係特殊情況，覺得團隊精神好好，加上目前政府對一啲樂團資助不足，希望幫樂隊推廣一下，我又係唱歌仲係中國風嘅曲，如果我都唔唱，呢啲歌曲就會變咗色彩邊緣化，無色無影咁消失。」

為咗開演唱會徐小明推咗部份手頭工作，其中係囝囝Marco親自執導嘅電影，投資方希望Marco可以做埋幕前。徐小明話：「今次喺音樂會都會父子檔上陣，唱一首動作電視劇主題曲，但暫時未揀定，到時會玩武術又唱歌，推動中國歌曲。」

精選娛聞，喺晒《娛果》
http://fb.com/appledailyent