梅艷芳離世17年丨梅啟明寶蓮寺拜祭 梅媽因氣溫驟降缺席
梅艷芳梅啟明
梅啟明今日帶同梅姐生前喜歡的造型照片,到寶蓮寺拜祭。
梅艷芳離世17周年,其胞兄梅啟明攜同太太及兩名友人,今日去到寶蓮寺拜祭,原先隨行的梅媽因為天氣突然轉冷而沒有前來拜祭。梅啟明帶同水果及3幅梅艷芳生前不同造型的照片到達,由於現時寶蓮寺天壇大佛正值維修,拜祭人士未能進入,只能在寶蓮寺前上香拜祭。
梅啟明表示,今日攜同的照片是梅姐生前甚為喜愛的造型照:「媽咪原本都想嚟,但一來疫情、二來風大唔方便,有同fans聯絡,今日唔會有fans嚟,星光大道就有,我哋簡單嚟上香,帶阿梅幾張相,係佢嘅忌辰等佢知道。fans知道大佛裝修去唔到,我更加要嚟。」談到梅媽身體狀況,梅啟明指媽咪身體好好,只是因為疫情而少出街,他說:「佢通常留喺屋企,間中幫佢出街買嘢,因為今日好凍、大風,老人家唔係咁方便。」
對放存放梅艷芳骨灰的海會靈塔,向政府申請的骨灰牌照似乎存在困難,存放的骨灰有機會需要另覓灰位存放供奉,梅啟明說:「我哋都知,睇佢哋處理成點,等佢哋通知,大佛(寶蓮寺)呢邊會有安排。」另外,梅啟明去年籌備在北角開設的「梅艷芳國際紀念館」尚未正式開幕,梅啟明說:「因為疫情冇開,之後開都係畀fans聚吓,而家未正式開,等過咗疫情先,租金花費一般,都會照做。」
-----------------------------
-----------------------------